Izarren hautsa egun batean bilakatu zen bizigai,
Hauts hartatikan uste gabean noizpait giñaden gu ernai
Eta horrela bizitzen gera sortuz ta sortuz gure aukera
Atsedenik hartu gabe
Atsedenik hartu gabe
Lana egiñaz goaz aurrera
Kate horretan denok batera gogorki loturik gaude
Gogorki loturik gaude
Gizonak ba du inguru latz bat menperatzeko premia,
Burruka hortan bizi da eta hori du bere egia.
Ekin ta ekin bilatzen ditu, saiatze hortan ezin gelditu,
Jakintza eta argia
Jakintza eta argia
Bide ilunak nekez aurkitu
Lege berriak noizpait erditu, hortan jokatuz bizia
Hortan jokatuz bizia
Gizonen lana jakintza dugu: ezagutuz aldatzea,
Naturarekin bat izan eta harremanentan sartzea.
Eta indarrak ongi errotuz, gure sustraiak lurrari lotuz,
Bertatikan irautea
Bertatikan irautea
Ezaren gudaz baietza sortuz,
Ukazioa legetzat hartuz beti aurrera joatea
Beti aurrera joatea
Ez dadukanak ongi ahi daki euketzea zein den ona,
Bere premiak bete nahirik beti bizi da gizona.
Gu ere zerbait ba gera eta gauden tokitik hemendik bertan
Saia gaitezen ikusten
Saia gaitezen ikusten
Amets eroak bazterturikan,
Sasi zikiñak behingoz erreta bide on bat aukeratzen
Bide on bat aukeratzen
Gu sortu ginen enbor beretik sortuko dira besteak,
Burruka hortan iraungo duten zuhaitz-ardaska gazteak.
Beren aukeren jabe eraikiz ta erortzean berriro jaikiz
Ibiltzen joanen direnak
Ibiltzen joanen direnak
Gertakizunen indar ta argiz
Gure ametsa arrazoi garbiz egiztatuko dutenak
Egiztatuko dutenak
Eta egia bilakaturik ametsaren antziduri
Herri zahar batek bide berritik ekingo dio urduri;
Guztian lana guztien esku jasoko dute sendo ta prestu,
Beren bizitzen edargai
Beren bizitzen edargai
Diru zakarrak bihotzik eztu,
Lotuko dute gogor ta hestu haz ez dadin gizonen gain
Haz ez dadin gizonen gain
SANTA AGEDA BEZPERA Santa Ageda otsailaren 4 an ospatu genuen. Goizeko 9:30ean elkartu ginen LH4 eta LH3-koak kantatzeko. Covid 1...
iruzkinik ez:
Argitaratu iruzkina